“Ərəb baharı”nın təsiri ilə Suriyada başlayan vətəndaş iğtişaşları və rejim əleyhinə nümayişlər qısa zamanda həm Suriyaya, həm də ətraf ölkələrə dərindən təsir edib, nəticəsi qeyri-müəyyən bir dövrə başlayıb. Böhrandan irəli gələn ən böyük problemlər siyasi qeyri-sabitlik və qeyri-müəyyənlikdir. Bu qeyri-sabit mühit Suriya ilə qonşu olan və bu prosesdə birbaşa iştirak edən Türkiyəni birbaşa və dolayısı ilə bir çox problemlərlə üzləşdirib. Bölgədə qeyri-sabitliyin yaratdığı problemlər və Türkiyə-Suriya ikitərəfli münasibətlərinin pisləşməsi nəticəsində yaranan siyasi, iqtisadi və sosial problemlər yaşanıb və yaşanmaqda davam edir. Ölkədəki müharibə milyonlarla suriyalının başqa ölkələrə sığınmasına səbəb olub və Türkiyə də bu ölkələrdən biridir. Bu yazıda “Ərəb baharı” küləyinin Suriyaya sıçraması nəticəsində yaranan böhranın yaratdığı siyasi qeyri-sabitliyin Türkiyəyə birbaşa və dolayı təsirləri araşdırılacaq. Beynəlxalq aktyorların bu böhranın həllində o qədər də maraqlı olmaması onu göstərir ki, Suriyada uzun illər sabitlik əldə edilməyəcək və regional qeyri-sabitlik mənbəyi olaraq qalacaq.